Política de compensación e beneficios

Máis de 150 anos de historia avalan a ALBO como un dos referentes da industria conserveira en España. Unha empresa que soubo manterse relevante durante xeracións porque entende algo fundamental: que o seu maior activo non está nos seus procesos nin nos seus produtos, está nas persoas que os fan posible.

ALBO chegou a nós cunha necesidade clara: construír unha política de compensación e beneficios que estivese á altura da súa traxectoria e da súa xente. Unha política que non só respondese á nova lexislación de transparencia retributiva, senón que fose máis aló. Que permitise atraer o talento que necesitan para seguir medrando e fidelizar ao talento que xa teñen, dándolles claridade sobre onde están e até onde poden chegar dentro da compañía. E que fixera todo iso desde un criterio claro: que a compensación non dependese só do que fas, senón de como o fas.

Empezamos pola base. Levamos a cabo a avaliación de postos de traballo que nos permitiu establecer un diagnóstico retributivo sólido e obxectivo sobre o que construír todo o demais. A partir de aí, xunto co equipo de Albo, deseñamos a nova política retributiva para os próximos anos. Unha política baseada en criterios comúns, transparente e sen tabús, que permite falar de compensación con claridade en todos os niveis da organización. O acompañamento non rematou co deseño: estivemos presentes tamén na fase de implantación e no seguimento posterior para asegurarnos de que a política funcionase na práctica e non só sobre o papel.

ALBO ten hoxe unha política retributiva que lles dá criterios comúns a medio e longo prazo, que lles permite falar de salarios con transparencia e que sitúa ás persoas no centro da súa estratexia. Unha base sólida para atraer e fidelizar o talento que necesita unha empresa que leva case dous séculos demostrando que unha organización non perdura se non coida da súa xente.